البقاء والدوام لله

انا لله وانا اليه لراجعون عمى توفى امبارح ربنايرحمه ويرحمنا جميعا ويدخله فسيح جناته ياريت ياجماعه الى يدخل يقرا البوست ميبخلش انو يقرا له الفاتحه دا طلبى لان كلنا هنموت ومسير كل واحد فينا هيتحط فى الموقف دا وهيبقى محتاج الى يقرا له الفاتحه

رســــــــاله عاشـــــــق

ربما عجزت روحي ان تلقاك

وعجزت عيني ان تراك

ولكن لم يعجز قلبي ان ينساك

اذا العين لم تراك فالقلب لن ينساك

.احبك موت.... لا تسألني ما الدليل

ارايت رصاصه تسأل القتيل

.ربما يبيع الانسان شيئا قد شراه

لكن لا يبيع قلباً قد هواه

.لا تسألني عن الندى فلن يكون ارق من صوتك

ولا تسألني عن وطني فقد اقمته بين يديك

ولاتسألني عن اسمي فقد نسيته عندما احببتك

كنت انوي ان احفر اسمك على قلبى

ولكنني خشيت ان تزعجك دقات قلبي

.أن يأست يوما من حبك وفكرت في الانتحار

فلن اشنق نفسي او اطلق على نفسي النار ولن القي نفسي من ناطحة

سحاب لاني اعرف وباختصار ان عينيك اسرع وسيله للانتحار

لا ثقه لدي الا عينيك فعيناك ارض لا تخون

فدعني انظر اليهما دعني اعرف من اكون

.لماذا لماذا طريقنا طويل مليء بالاشواك

لماذا بين يدي ويديك سرب من الاسلاك

لماذا حين اكون انا هنا تكون انت هناك

لو كان لي قلبان لعشت بواحد وابقيت قلبا فيهواك يتعذب

.انا احبك حاول ان تساعدنى

فإن من بدأ المأساينهيها

ومن فتح الابواب يغلقها

وإن من اشعل النيران يطفيها

I Miss You

الســــــــــــــــــــــــــــلام عليكم

حبايبى انتو بجد وحشتونى اوى اوى اوى بجد مش عارفه اودى وشى منكم فين لانى سبتكم الفتره دى كلها من قبل رمضان بس بجد مفيش سبب اقدر اقولهولكم بس المشكله الكليه واخده وقتى وبرجع تعبانه فادخل انام وكل يوم اقول بكره هنزل بوست جديد لكن لاسف بكسل لكن انامن جوايا مضايقه جدالانى سبت الناس الجميله الى زيكم عارفه فى ناس اكيد هتقول مين دودى ؟وهتكون نستنى وليهم حق وناس هتقول ياااه هى لسه فكرانا وفينها من زمان بجد انابعتزرلكم واحد واحد بس ياريت تشجعونى وتقولولى انزل بوستات ايه الى ع مزاجكم لان مفيش فى دماغى حاجه بجد انزلها وتعبت من كتر مابفكر دا غير ان امتحاناتى قربت وانامفتحتش كتاب ربنايستر ادعولى اتمنى تكونو كلكم بخير وسعاده يارب وفى فرح دائما

World united bloggers

السلام عليكم انا عملت الروووم والله العظيم عملتها :]طب مش مصدقنى بصو انا عملتها على برنامج الانسبيك وحطيت الموضوع على موقع اتحاد المدونين وحطيت الطريقه وكل حاجه ومعرفش هتشجعونى بقى ولا هتنيمونى :]اصل حاسه ان محدش هيعبرنى وانا كل يوم ادخل الروم وملقاش حد دخل بصراحه جالى الضغط ومفيش حد معايا خالص فلو مش هتشجعونى انا هلغى الفكره احسن المهم يعنى انا هسيبلكو اللينك عشان تشوفو الطريقه وكده لانى مش قادره احط الموضوع تانى هنا:]كسلانه بقى تقولو ايه وانا لسه بقى هظبط بروجرام للروم دى عشان متبقاش هيصه كده ويبقى فى قوانين وشغلانه والله دودى فى سرها(انتى الى جبتيه لنفسك يادودى)فعلا بس يلا بقى :]همتكم يارجاله معايا ومطولش عليكم بقى اللينك

اهو

يلا سلاااااااموز:]http://www.worldub.blogspot.com/2007/09/world-united-bloggers.html

غرفة المدونيـــــــن

السلام عليكم كل سنه وانتم طيبين بصو بقى انا كل يوم افكر ع حاجه تجمع كل المدونين كده مع بعض وافكر تعملى ايه يابت يادودى المهم زهقت فبعدين عديت ع مدونه شيماء الى هى صحفيه مع ايقاف التنفيذ لقيتها عامله فكره حوار للمدونين ولقيتها فكره جامده بصراحه وانا ايدتها فيهابشده و من ساعتها ورجعت افكر تانى فى حاجه اعملها فقولت خلاص ايه رايكم لو نعمل غرفه لينا لكل المدونين من كل مكان مش لازم ع البال توك لانو دلوقتى بقى النك مصبوغ وبفلوس ففى برامج تانيه كتير واهو فيها يجتمع كل المدونين ونناقش بعض فى اى حاجه اونلاين حتى لو عايزين نعمل حوار مع حد يبقى اونلاين ايه رايكم فى الفكره ؟ ياريت كل واحد يقولى رايو حتى لو مش عجباه الفكره اوك يلا سلام بقى:] مستنيه الردود

الحمــــــــــــــدلله

السلام عليكم ازيكم ياشباب وحشتونى والله انا جيت اهو هحكيلكم بقى ع الى حصل انا كنت حاسه ان هما مخبين عليه حاجه وان مامتى فيها حاجه لانها قعدت فى المستشفى كتيربس كنت بكدب نفسى لكن واحنا مسافرين بقى فصاحب ببايا اتصل بيه يطمن وكده فببايا قالوالحمدلله بس حصلت مضاعفات بعد العمليه وجتلها جلطه فى رجلهاانا يادوب سمعت الكلمه دى ودموعى نزلت لوحدها ورجليه انا حسيت هى الى فيها الجلطه ولقتنى مش قادره احركها ومسالتش بقى ببايا بعدها لانى خوفت والله ولما روحت لمامتى المستشفى بقى لقيتها طبعا قاعده مش بتتجرك عشان الجلطه متتحركش وخست جدااااااا لان حالتها النفسيه كانت زى الزفت طبعا وانا اصلا كنت مضايقه وانا بسلم عليها كنت ماسكه نفسى والله المهم مامتى بقى بتفهمنى ع طول يعنى بتقرانى زى مابيقولو كده انا بقى مكنتش دودى العاديه لا دا انا كنت واحده تانيه خالص ولابسه بنى ع كحلى والدنيا سوده فى وشى المهم فمامتى قالتلى انتى مالك مكسوره كده ليه خليكى ع طبيعتك انتى مش دودى الى انا اعرفها وايه الغامق الى انتى لبساه دا قالتلى حتى عشان ترفعى من روحى المعنويه متعمليش كده انا كويسه اهو حتى خالتى قالتلها ماهى عاديهاهى فيها ايه محدش بيفهمنى غير مامتى طبعاوخالتى قالت بقى لببايا يوم لما مامتى عرفت انها جتلها جلطه فى رجلها لقيتها طالعه بتعيط جامد وقالتلها مالك وعرفت وكده المهم عملت اشعه تانى والدكتور قال ان الجلطه قلت الحمدللهوبعدها بكام يوم الدكتور قال بقى تتحرك عادى بس فى المعقول وتفضل لابسه الشراب لحد اربع شهور وتتابع بقى معاه وجت معانا البيت وطبعا البيت بقى ليه طعم تانى طبعا بس كانت تعبانه جدا من السفرلدرجه انها قالت انا هموت خلاص مش هيطلع عليه نهار وهى دوقتى الحمدلله بس بتتعب بقىمن وقت للتانى ورجلها التانيه بتوجعها بردو وراحت للدكتور قالها90 فى الميه مش جلطه وربنا يستر بقى هى لسه هتعمل اشعه يلا الحمدلله ع كل الى يجيبو ربنا عايزه بس اقولكم حاجه ان الجلطه دى بسبب الدكاتره هتقولولى ازاى هقولكم لان رجلها فضلت فى العمليات مرفوعه لمده خمس ساعات وطبيعى ان الدم ميوصلهاش وكمان نسو يدوها دوا بيمنع الجلطات حسبى الله ونعم الوكيل الطب فى مصر بقى زباله والله الواحد يموت فى بيتو احسن دا الى بيدخل المستشفى سليم بيطلع عندو كل الامراض يلا بقى دا قدر والحمدلله انا بعد الموضوع دا كنت قولت خلاص هقفل المدونه والدنيا اسودت فى وشى لكنقولت يابت يادودى متاخديش قرار فى لحظه ضعف ترجعى تندمى عليه يلا بقى هنعمل ايه معلشى طولت عليكم سلامى ليكم جميعااااا

اعذرونى

السلام عليكم معلشى ياجماعه غبت عنكم فتره لكن دا لظروف خارجه عن ارادتى والله وانا فى حاله لا احسد عليها انا فى حاله اكتئاب وحزن وحتى والله مش قادره اكتب دلوقتى والظروف ان مامتى تعبانه وهى لسه فى المستشفى وانا من ساعتها مليش نفس لا افتح نت ولا اشوف بلوجات انا بجد من غيرها مدمره والله ادعولها تقوم بالسلامه ومنجلكوش فى حاجه وحشه والحمدلله ع كل شىء ربنــــــــــا يقومك بالسلامه يـــــــــــــــــــــارب

البقاء لله

السلام عليكم البعض منا عرف وفاه شيماء صاحبه مدونه شيكو اونلاين والبعض لم يعرف وانا كنت اخر من عرفو وكانت بالصدفه كنت بشوف اخبار المدونين ايه وكده فبالصدفه دخلت مدونه سمراء النيل لقيتها كتبه خبروفاتها حينها حزنت حزنا شديدا رغم انى لم اعرفها خااااالص ولا عمرى اعرف مدونتها ولا كده ولما دخلت المدونه عرفت وكده ولقيت انسانه عامله بوست ليها وانا هنقولهولكم بالظبط وربنا يرحمها ويرحمنا جميعا يارب شيماء .. بنت مصرية عندها 28 سنة مصممة جرافيك ، عرفتها فى شهر يناير تقريبا .. دخلت عندى وكتبت فى الشات بوكس وابدت اعجابها بمدونتى ، زورتها فى مدونتها ولاقيتها فنانة زوقها عالى وكتابتها حساسة جدا، لما تدخل عندها البلوج تحس انها مدونة اختك او حد انت تعرفه كويس ، بنت مصرية محبة للحياة اوى والابتسامة مش بتفارق وشها .. جميلة ومتفائلة ودمها خفيف وذوق ، مكنتش بتابع كل مواضيعا للأسف عشان ظروف الدراسة وكدة .. بس هى كانت دايما بتابع كل مواضيعى تقريبا وعلى طول تسأل عنى وتدعيلى .. ولو جالها تاج الاقيها مهتمة انها تبعتهولى ... رغم اننا منعرفش بعض بشكل شخصى مكنتش تنادينى غير بـ " أجمل إنسانة " ..ه
.
بعد هوجة المذاكرة والإمتحانات إكتشفت انها مش على الساحة خالص .. إتخفت تماما .. حتى موضوع مبنى الحجيم اللى معظم الناس علقت عليه لاقيتها معلقتش .. لا عندى ولا عند غيرى ، ساعتها كانت جاية على بالى قوى ونفسى اطمن عليها ، بس للأسف كنت مضيعة اللينك بتاعها واخيرا عترت فيه ولاقيتها كاتبة بوست وبتقول:ه
غياب لاجل يعلمه الله حقيقى وحشتونى جدااااااومش عارفه هتوحشونى لحد امتىلكن كل اللى متأكده منه انى محتاجه دعواتكم التجربه الصحيه اللى بمر بها مش بسيطه اذا ربنا كتب لى الشفاء منها هاحكى لكم عنها بالتفصيل تحياتى لكم كلكم
اتخضيت عليها جدا .. معقولة تبقى جاية على بالى لأنها تعبانة وفيها مكروه؟؟ .. لا حول ولا قوة الا بالله
كتبتلها تعليق وسبتلها ايميلى وطلبت منها تطمنى عليها
ردت على التعليق وقالت:ه
مش عارفه اقولكم ايه .. حقيقى اكتشفت قد ايه وحشتونى وقد ايه بحبكم وعشان كده كلمة شكرا ليكم قليله انتوا بدعواتكم والبوستات اللى اتعملت عشانى خففتوا عنى كتير ربنا يخليكم ليا شكرا يا عمرو،انسانه،كوكو،بندقة،القادم اجمل،وحيد،فنان،محمود على،شاه .. واتمنى لكم دايما كل خير
وردت على الشات بوكس وقالتلى:ه
اجمل انسانه الله يسلمك يا حبيبة قلبى والف شكر على سؤالك عليا
انتظرت انها تضيف إيميلى عشان اطمن عليها بس محصلش ، فتحت النهاردة الإيميل بتاع المدونة ولاقيت ايميل ضايفنى وصاحبه اون لاين .. سألت مين معايا؟؟ .. قالتلى هوندا، سلمت عليها وكدة .. وقالتلى معلش ياياسمين مش حقدر اتكلم ولا اتعرف عليكى دلوقتى لإن حالتى كرب خالص
لسة حقولها ربنا يفك كربك وخير فى ايه؟؟ .. لاقيتها بتقولى تعرفى ان شيكو ماتت؟؟
مصدقتش اللى بتقوله .. اكدتلى ان اخو شيماء كاتب فى البلوج خبر وافتها .. روحت ولاقيت التعليق ده: ه
أحمد صفوت saidإنا لله وإنا إليه راجعون السلام عليكم أنا أحمد أخو شيماء(شيكو) صاحبة هذه المدونة .. أعزائي ضيوف المدونة أعلمكم بأن شيماء توفيت إلى رحمة الله تعالى ليلة النصف من رجب وكانت قد أوصتني أن أعلمكم بهذا الخبر وأن أسألكم أن تقرأوا لها الفاتحة وتدعو لها بالمغفرة والرحمة ونظرا لعدم معرفتي بكلمة المرور الخاصة بها فقد دخلت وكتبت هذه الرسالة ضمن التعليقات أقسم عليكم بالله أن تدعو لها .. رحمك الله ياشيماء وأسكنك الفردوس الأعلى .. موعدنا الجنة إن شاء الله
اللهم أجرنا فى مصيبتنا واخلف لنا خير منها
شيماء توفت يوم السبت اللى فات بعد ماخفت من مرضها .. توفت قضاء وقدر ، كانت بتسلم على كل اصحابها وزمايلها فى الشغل وقرايبنا وكأنها حاسه باللى هيحصل ، كانت مخططة تروح عمرة وكانت بتصلى حتى وهى فى المستشفى ، كانت ثابتة ومتماسكة وكانت هى اللى بتحاول تصبر اللى حواليها
توفت وهى عندها 28 سنة ياجماعة .. لا اتخطبت ولا اتجوزت ، توفت بعد ما خفت من مرضها سبحان الله .. عشان نعرف ان كلنا ممكن نبقى فى نفس موقفها وان الموت مالوش اسباب ولا له سن معين
وكم من فتى امسى واصبح ضاحكاً .. وأكفانه فى الغيب تنسج وهو لا يدرى
انا فقدت اخت عزيزة جدا عليا والمجتمع التدوينى كله فقد مدونة من المدونات المحترمة جدا .. وببلغ تعازيا وتعازي كل المدونين لأهلها .. ربنا يفرغ عليكم صبرا .. يارب آمين
.
ربنا يرحمك يا شيماء .. اللهم ياجامع الناس ليوم لا ريب فيه إجمعنى بيها فى الفردوس الأعلى .. يارب انا معرفهاش شخصيا بس أشهدك انى احبها فيك .. يارب كما احببتها فيك أسألك وأقسم عليك بعزتك وجلالك ان ترحمها وتغفرلها وان تجعل قبرها روضة من رياض الجنة وان تبدلها داراً خيرا من دارها واهلاً خيرا من اهلها وتغمدها برحمتك وكرمك يارب العالمين .. يارب انها بين يديك الان .. يارب ارحمها واغرفها لها وتجاوز عن سيئاتها .. يارب انها فى دار الحق ونحن فى دار الباطل .. اللهم ارحمنا إذا صرنا إلى ما صارت إليه .. يارب افرغ على اهلها صبرا .. يارب صبر أمها واجمعها بكل من احبت فى الفردوس الأعلى فى صحبة سيد الخلق عليه الصلاة والسلام
.
اللهم ارحمنا جميعا فإنك بنا راحم .. ولا تعذبنا فإنك علينا قادر .. اللهم ارزقنا من يترحم علينا بعد وفاتنا .. يارب اخرج الدنيا من قلوبنا وازهدنا فيها ..اللهم إنا نعوذ بك من طول الأمل والتعلق بالدنيا .. اللهم إنا نشكوا إليك سؤ نفوسنا .. يارب اهدينا .. يارب اهدينا لأقرب من هذا رشدا قبل فوات الأوان يارب
يارب استجب .. يارب استجب .. آمين آمين آمين .. وصلى الله على سيدنا محمد وعلى آله وصبحه وسلم
أسألكم جميعاً الدعاء لشمياء ولكل موتى المسلمين

ذكريـــــــــــــــــــــاتى

بصراحه مش عارفه ابدا ازاى انا هدخل فى الموضوع ع طوووووووووووووووووول ايام الدراسه دى بجد كانت ايام جامده جداااااا والله وخاصه ايام ثانوى بس محدش بيعرف قيمتها الا لما يروح الجامعه زى حالاتى كده انا هتكلم بقى عن اصحابى وكده من كى جى2 لحد ثانوى وانا فى حضانه بقى كان عندى مكنتش اعرف لسه يعنى ايه اصحاب ولا كده وكنابقى مفيش ولا حصص ولا حاجه كنا عايشين يعنى اما بقى فى ابتدائى عرفت بقى الصحوبيه بجد واتصحيبت على اصحاب كتيرررررر وكنا كتير بنخاصم بعضدا الطبيعى يعنى لاننا كنا لسه اطفال هههههه وكنا بقى لما نيجى نخاصم بعض فى حركه بنعملها بوشنا كده ههههههههه اكيد انتو عارفينها ههه المهم وكان كمان فى حركه بالايد صابعى الصغير يلمس صابعها الصغير ههههههه المهم ولا خلصنا ابتدائى مكنش بقى فيه موبايلات ولا كده فكنا بناخد نمر البيت بتاعت بعضوكان فى اصحاب ليه هما شاطرين وبصراحه كانو رخمه شويه وطلعو مدينى النمره ناقصهرقم يعنى غلط ههههههههههه تخيلو اكنى هتصل بالسفييره عزيزه وانا مكتشفت كده كمان الا من قريب جدااااااااااا واقعدت اضحك ساعتها ضحك وهى بنت بس الى كانت مديهانى غلط وكانت شاطره وكانت طالعه من الاوائل فى الاعدادى ودلوقتى هى فى السعوديه بنا يسامحها بقى هههههههه والشاطرين التانين مكنوش بيرضو اصلا المهم ونقول هنتصل ببعض وكده ولما نروح الاعدادى محدش لا يعبر حد بتليفون ولا حاجه وبتوع الابتدائى دول اتنسو يعنى بقو بقى اصحاب عادين ودى مرحله وخلصت هههههههههههههههه ولا حد بيسال عن التانى المهم روحت الاعدادى مكنتش بقى متعوده ع العيال الى معايا لسه لانى روحت مدرسه حكومه وكنت مضايقه جدااااااااا لان العيال الى كانو معايا كانو بيئه بقى وكده ومنيش متعوده وكنت مش عايزه اكلم حد فيهم وقولت يارتنىمدخلتها سنه بسنه اتعودت هههههههه وبقى عادى بقى بالنسبه ليه وكانت احلى سنه فى تالته اعدادى كنت احب اروح المدرسه جداااااااااا عارفين ليه؟ عشان محدش بيشرح حاجه وبحب اروح عشان العب فى الحوش مع العيال اصحابى وتلاقينى نازله طالعه ع السلم مدرسه تقولى ودى كذا لا اطلعى لفلانه كدا يعنى كنت مقضياها كده او بقى لما بعد فى الفصل بحب ارخم ع الاساتذه جدااااااااا ههههههههههههههه معرفش ليه والله واهزر وكده يعنى وساعات انا واصحابى نعمل مقالب فى المدرسين ههههه زى مثلا مره كان علينا مدرس بتاع دراسات دا كان عصبى وبيزعق ع طول وكده فمكنش حد بيحبو فمره بنت دخلت متاخر باين المهم اتعصب عليها اضحكو بقى كان بيدخلنا بعصايه هههه طلع يجرى وراها بالعصايه ع الادراج وهى تجرى هى كمان وانا فطسانه من الضحك هههههههههه المهم معرفش يضربها الا فين وفين وفى الاخر بردو البت نرفزتو تانى فرملها الشنطه من الشباك ههههههههههه بتاع الفصل ! تخيلو فراحو العيال قالولو هننزل نشوف الشنطه وكده والبت طلعت برا العيال عملو بقىمقلب فيه طلعو قاللولو مستر الشنطه وقعت على عربيه واحد وازازها اتكسر والراجل مستنى حضرتك تحت وكنا فى اخر حصه ههههه فالمستر ساعتها وشو جاب الوان هههههه المهم قالها طيب وكده ونزلنا روحنا بقى والمستر نزل كان مستنى يشوف الراجل وكده المهم عرف انو مقلب ههههههههه دا موقف يعنى وعدت تالته اعدادى وخدنا نمر بعض بردو وهتحوشينى يافلانه وكده والكلام دا واهى عددت الاعدادى ياخساره المهم روحت اولى ثانوى وبتوع اعدادى بردو فكراهم بس ايه بقو اصحاب عادين بردو مش زى الاول ولا حد بيسال عن التانى المهم فى اولى ثانوى كانت سنه ياعوزو باللله منها سنه وحشه ورخمه وكده بس بردو مش بتخلو من الرخامه ع المدرسين ههههههههه كنت برخم بالذات على المدام بتاعت الفرنساوى لانها كانت بردو عصبيه وع طول تزعق وانا دماغى بتوجعنى صراحه وتدخل بالمسطره الحديد تخبط بيها ع السبوره عشان نسكت ههههههه كنا بنتفق انا واصحابى نرخم عليها ومكنتش بتفرق معايا اعمال السنه ههه كنا نعدنزن كده اكن دبانه او ناموسه بتزن ههههههههه والمس قاعده مش عارفه مين كنا بنعملها ع طول او نعمل ايه بقى فجاه تلاقينا صوتنا ونقوم نجرى ونقول حشره حشره هههههههههه تخيلو والمس تتخض هههههههه المهم كان دى عادتنا وكنا نعمل نفس الحركات دى مع التربيه العملى ههه لدرجه لما عملنا مره حشره دى التربيه العملىطلعت صوتت وراحت لوكيله فكرت تعبان هههههههههههههه والوكيله جت وكده ودبست بنت وقالت هى الى عملت كده وقالت استدعاء ولى امر هههههههه بالمناسبه فىتالته اعدادى كنا نشترى دفاتر بتاعت استدعاء ولى امر دى ونكتب اسم اى بنت ونقولها جالك استدعاء هههههههههه المهم قولنا للوكيله مش هىوكده وكان يوم هباب وكنا كده ع طول بس المدرس الوحيد الى مكناش نقدر نعمل معاه حاجه كان بتاع الرياضه يالهوى كان صعب موووووووووووت بجد ورخم وكده ومحدش كان بيقبلو حتى المدرسين يخافو يتكلمو معاه ههههههههههه ولو واحده مكنتش جابت الكتاب حتى ياويلها ياسواد ليلها عشان كده كنابنلم نفسنا فى حصتو ههههههه بس التربيه العملى بتوع الرياضه كانو رخمه برضو فمكناش بنستحمل فكنا نرخم عليهم لحدماراحو قالو للمستر بس هما كانو غلطانين كانو بيشتمو ماشاء الله المهم المستر زعقلى وودانى للوكيله وكده هههه وساعتها كنت بقى بعيط مش بضحك المهم كان فى مدرسه عرفانى والمديره والوكيله كانو عرفنى بردو بس انا اتكسفت ارحلهم صراحه المهم راحت المدرسه له عشانتقولو وكده فحظى انها ملقتوش وروحت قولت لمامتى وكده قالتلى انا هجيلك وكده بس قولتلها خلاص سيبك بقى ههههه المهم كانو ارخم مدرسين بتوع اولى ثانوى حاجه ارف وكنت بافش معاهم كتيربلاش بقى افتكر وافكركم معايا ههههههههه المهم عدت سنه اولى ونجحنا وخلاص هههه وروحنا تانيه ثانوى ثانويه عامه كانت سنه مش عارفه اوصفها صراحه كانو المدرسين بيشرحو بردو وانا كنت بضايق وبصدع هو دروس ومدرسه وكنت بروح ومش بحب اغيب خالص بس كنت احضر وخلاص لكن ولا اجيب كراسه ولا اسمع لهم حتى واستنى يطردونى برا هههههه ميطردونيش حاجه غريبه وكان عندنا مدرسه انجلش يالهوى عليها كانت بتبقى عندنا حصتين ورا بعض وكانت الفاصل مابين الحصص تشرح فى بردو كنت ببقى هشد فى شعرى المهم كانت حصه مؤرفه كرهتنى فى الانجليزى اكتر ههه ومدرس الرياضه مكنش بيعمل لانو عارفنا فكان بيريح دماغو ويشرح وخلاص المهم فى السنه دى كنت انا فى الدروس وهخداها جد حبتين وكنت بذاكر اول باول بس كانت ارخم ماده عندى الرياضه ودى الى نقصتنى عشرين درجه!!! المهم الحمدلله يعنى عدت السنه دى وكنت علمى وحولت وكنت مخنوقه والدنيا سوده فى وشى اصلا وقولت انا طلع عينى فى تانيه فعيش بقى واطنش فى تالته ومش ناقصه وجع دماغ وفعلا عملت كده كنت بروح المدرسه فى الاول ومش بغيب وكنت بردو برخم الى حد ما لدرجه ان مدرس قالى انت شكلك هتطلعى مدرسه وهيطلعك عليكى كل الى بتعمليه فينا هههههه ودا الى انا حساه ربنا يستر بقى وبعدين بدات اطنش بقى بس تالته بقى دى احلى سنه بجد كانت سنه جامده موت كنت بقى فى المدرسه طول اليوم فى الحوش ومكبره ومكنش حد بيجى خالص من الطلبه المهم كنا مقضينها يعنى وجيت فتره مكنتش بروح باه المهم فى الدروس بقى كانت ايام جامده صراحه كنت مطنشه لمدتين صراحه العربى والانجلش بس الانجلش كنت كل شويه اروح لمدرس وكنت مكبره لكن العربى كنت بزاكر فى الاول وكده وبعدين كنت بذاكر مزاكره طايره عرفينها ههههههههههه يعنى قبل مروح كده اقرا الدرس كده يعنى عشان كنت بخاف اتهزا من المستر لان المستر دا بالذات مكنتش احب انى اتهزا منو ولا حتى يقولى ربع كلمه والمستر كان عارف انى مطنشه بس كان بيصبر عليه ههههههههههه حلمى فاكر يامستر !!هههههههه دا سيم بينى وبين المستر اصل مره المستر قالى فين واجبك وانا مكنتش عملتو فقالى اظاهر ان حلمى عليكى خلاكى تسيبى الماده وساعتها المجموعه كلها قالت مين حلمى دا وانا بردو استغربت المهم معناها صبرى يعنى هههههههههههه بس يعنى وكان التاريخ دا ارخم ماده عندى لانى جيت فى الاخر ونسيتو اتبخر زى مابيقولو وكنت بقى مدمره بجد يعنى ع اد مكنت مطنشه بس كنت ببقى شايله الهم وكنت ببقى مخنوقه وخايفه وكل حاجه لانى مكنتش بذاكر مذاكره يعنى ورغم كده تلاقونى قاعده ع النت بردو بت مبتحسش بقى تقولو ايه!! هههههه التاريخ الى كنت بزاكرو اكتر ماده لان المس بتاعتو كانت بتضرب سواء بنت ولا ولد وانا طبعا كرامتى متسمحليش ههه وكانت بقى الفلسفه ووعلم النفس دول حياتى بجد كانت موادعسل كده وحصتهم بتبقى حلوه بردو وكنت بذاكرهم بردو بس فى الاخر جيت نسيتهم بردو ومكنتش بروح الا ع مزاجى امتحن علم نفس مره وفلسفه مره لكن مش مع بعض لانى كنت حطاهم فى يوم واحد وكان بيبقى كتير عليها المهم انا بقى طول السنه اقول ايه هزاكر فى شهر واحد بعد العيد جه العيد واتبسطنا اقول خليها فى شهر2 يجى الشهر اقول خليها ل3 وهكذا مبداتش بقى مزاكره الا لما جه شهر سته ولقيتها طبلت عليه ههه بدات بقى بالعربى وزكرتو كويس الحمدلله وكلو يرجع للمستر بتاعى ربنا يخليه هو الى كان عامل الجدول وكان جامد بصراحه المهم عدى العربى وامتحناه وكان الحمدلله نفس التوقعات الى قال عليها المستر يعنى كانت حاجه اشطه يعنى الحمدلله وكنت بقى معتمده ع الايام الى قبل كل ماده لان كان فيه فاصل كبير بين كل ماده وماده والحمدلله الايام عدت على خير والامتحانات كانت كويسه وماشيه بس اصعب فتره كانت ايام الامتحانات بجد لانى كنت بزاكر فيها اكنى بذاكر من الاول خالص والمدرسين تعبو واحنا تعبنا والسنه خلصت الحمدلله واصحابى بقى معنتش بشوفهم من ساعتها الا الى عرفاهم قوى ياترى بردو هيتنسو زى المراحل الى فاتت وكل واحد هيدخل كليه ويبقى ليه اصحاب جداد هى الحياه كده يله بقى هنعمل ايه بس بجد كانت ايام جميله اوى اوى وانا دلوقتى زعلانه انى داخله كليه هتقولولى ليه هقولكم كده انا عايزه ارجع ثانوى تانى ينفع !! والله نفسى الواحد فعلا مبيعرفش قيمتها الا لما يسيبها انا بقول لكل واحده داخله ثانويه عامه سيبك من الى يقولك دروس وارف وكده لا عيشيها بجد لانها اجمل ايام وبعدين كلو محصل بعضو هههههههه وانا فى النهايه بوجه شكر وتقدير لكل مدرس ادانى او مدانيش فى ثانوى لان فعلا المدرسين بردو بيتعبو وبيطلع عينهم مفيش حد فى البلد دى مش طالع عينو هههههه وبقول مبروك لكل واحد فى ثانوى جاب مجموع يدخلو الكليه الى هو عايزها والى مجبش مجموع كويس ميزعلش لان دا نصيب وربنا اكيد عايز لو الخير فى كليه تانيه والحمدلله ع كل شىء ومعلشى طولت عليكم:] يلا سلام بقى

اغتيال البراءه

هند كانت طفله فى العاشرة من عمرها عمر الزهور كما يقولون الا انه لم تصبح كذالك هند اصبحت ام لطفله اخرى لا استطيع ان اتخيل الموقف التى تعرضت له هند فقد قام شيطان باغتصابه نعم شيطان بعد ان تجرد من كل صفاته البشريه والحيوانيه ايضا لا اعتقد انه حتى يوجد حيوان يستطيع اغتيال هذة البراءة تخيلو ياجماعه طفله شايله طفله بجد حاجه تضايق جدا الى هنا توقف الخبر
الا اننى من وقت ان علمت وانا اصبت باكتاب شديد وتفكير مستمر فى مصير تلك الصغيرة وتلك الشيطان مغتصبها فهو الان حر طليق محدش يسالنى ازاى اهو حر على شان دى طفله ومش متاكدين من كلامها
حسبى الله ونعم الوكيل
انا بس عندى شويا اسئلة نفسى اعرفلها اجابة
ما هو مصير تلك الصغيرة وطفلتها ؟
كيف فكر هذا الشيطان باغتيال تلك البراة فى اى شى كان يفكر وقتها اى فكر هذا الذى جعله فعل ما فعل ؟
هل تلك الشيطان ايضا مجنى عليه نتيجه الظروف والتربيه الخاطيه والضغوط ؟
اعذرونى يا جماعه ما اصل المسالة مش ممكن تكون فرديه لازم يكون وراها حاجه
دا مش حاله واحده بعد هذة القضيه اكتشفت ان هناك حالات اخرى كتير وان الاطفال هى المستهدفه الان على اعتبارهم فريسه سهله دا غير اللى منعرفوش والذى لم تسلط عليه الاضواء؟
هل نحن جميعا مجنى فى ظل مجتمع غابت عنه اخلاقياته؟
مش عارفه اقولكم اية نخبى ولادنا واخوتنا على اعتبار ان الشارع خلاص بقا كله ذئاب بشريه
هذا ما حدث بالفعل من بعض الامهات الذى اعرفهم
نقفل على نفسنا ونعمل مش واخدين بالنا ذى ما حصل كده ما سفاح المعادى وغيرو
لحد ما الموضوع يهدا ويعدى وكان شى لم يكن
ندعى على تلك الشياطين فى المساجد وفى كل صلاة
انا متهيالى المساله اكبر من كده

هنا فيديو للطفله هند
http://www.youtube.com/watch?v=SdKM38VcMzA&eurl=http%3A%2F%2Fwww%2Enohamy%2Eblogspot%2Ecom%2F

ادخلوو وهتدعولى

الثانويه العـــــــــــــامه

• تعبان مخنوق ارفان زهقان مهموم طهقان
• دااكيد فى ثانويه عامه او داخل ثانويه عامه
• طول السنه دروس وهم لا حد بيرحم ولا فى دم
• تارف نفسك ليه وعلى ايه هو انت واخد منها ايه
• ليه يــــــــــــــــاربى كــــــــده مكتوب علينا كل ده
• مـــــدرس يشـــــــــــــــخط ومـــــــــــــدرس ينطر
• وانا الغلبان انا المظلوم انا التعبان انا المهموم
• بس الطالب بقى زى الاله يطلـــع ينزل ولا نقاله
• ثانــــــويه عامه ايه بلاهم دا كلو هم وحرق دم
• سهران طول الليل بيفكر فى ايه يالــــــــــــــــيل
• اكيد ثانويه النيله ماهى الى بتقرفـــنا فى ليالينا
• دماغى تعبت من كل حاجه لاعاد فى رحمه ولا اى حاجه
• وياريت سنه وتخلص لادول سنتين وروحى تخلص
• ياربى انا الطالب المظلوم الى علي كل الهموم
• الى يشوفى يقول فرحان وهو ياعينى مخنوق وارفان
• لماتلاقى فى بيتك ثانويه عامه يبقى انت اكيد فى مصر
• خلص الحـــــــــبر لكن مخلص الكــــــــــــــــــــــــــلام
• هجيب حـــــــــــــــــــــــــــــــــــــبر واكمل الكــــــــــــلام
• بس معتقدش انى هكملو هسيب حد منكم يكمــــــــــــلو
• اصل بصراحه انا كمان تعبت وزهقت ومليت ومن كتر همى اشتكيت
• سيبــــــــــــكم بقى من الهم ده سيـــــــــبكم باه من كل ده
• ويلا بقى نــــــــــــزاكر على احــــــــــــــــــلى روم بنزاكر
• تالـــــــــــــــــــــــــــــــــــــــــيف dody

صور روعه للماسنجر